കര്ഷക ആത്മഹത്യകള്ക്ക് പ്രസിദ്ധമായ നാടാണല്ലോ കേരളം. കടക്കെണിയില്പ്പെട്ടു ആത്മഹത്യക്ക് നിര്ബന്ധിതനാകുന്ന ഒരു കര്ഷകന്റെ അവസ്ഥയെ കുളത്തിലകപ്പെട്ട ഒരു നായയുടെ നിസ്സഹായതയോട് ഉപമിക്കുന്ന ഈ 'കുരുത്തക്കേട്' ഒന്ന് വായിച്ചു നോക്കൂ...
ഒരു വട്ടം കൂടിയേ തേങ്ങിനോക്കുന്നിതാ
തടത്തില് വീണൊരാ നാട്ടുനായ
എന്തുണ്ട് രക്ഷക്കെന്നുനോക്കീടുന്ന
കണ്ണില് ദയനീയ ഭാവമുണ്ട്
ആരറിയുന്നോരാ തേങ്ങലിന് നൊമ്പരം
ആരറിയുന്നുവാ വെമ്പലിന് ഭാവവും
വഴികാണാന് കൊതിക്കുന്ന ചിത്തത്തിനാശയും
ആര്ക്കറിവാകുന്നു ഭീതിതന് വേളയില്
ഇരുട്ടിന്റെ ഓളങ്ങള് തട്ടുന്ന കണ്ണിന്
ഭാവത്തിന് മാറ്റമുണ്ടാകുവാന്
ഒരു മാത്രപോലുമേ കാണുവാനായില്ല
ഒരു വാണിപോലുമേ കേള്ക്കുവാനായില്ല
ഇല്ലൊരു മാര്ഗവും തന്നുടെ പ്രാണനാ-
യെന്നു തിരിഞ്ഞൊരാ നാട്ടുനായ
കൂട്ടിയടച്ചതിന് കണ്ണുകള്,നാസിക
കാതിരമ്പുന്നൊരു തേങ്ങലോടെ
ഈശ്വനെ പുല്കുന്നൊരന്ത്യമാം വേളയില്
വിറയേരും അധരങ്ങള് മാത്രമായി
ഒരുവട്ടം കൂടിയേ തേങ്ങിനോക്കുന്നിതാ
തടത്തില് വീണൊരാ നാട്ടുനായ...
ഈ ഉപമിക്കല് കുറച്ചു ഓവര് ആയോ എന്നൊരു സംശയം ....
മറുപടിഇല്ലാതാക്കൂഹഹഹ... ഒരു ലേശം... അല്ലെ ദീപു?
മറുപടിഇല്ലാതാക്കൂ